ಕಾರುಗಳಿಗೆ ಜಲಜನಕದ ಅಂಟಿನ ನಂಟು
ಇತ್ತೀಚಿಗೆ ಬೆಂಗಳೂರಿನ ನೆಲ ಮಂಗಲದ ಬಳಿ ಕಾರಿನ ಮೇಲೆ ಕಂಟೇನರ್ ಬಿದ್ದು, ಒಂದೇ ಕುಟುಂಬದ ಆರು ಮಂದಿ ಮೃತಪಟ್ಟಿ ಸುದ್ದಿ ನೀವೆಲ್ಲ ಕೇಳಿರಬಹುದು. ಹತ್ತಾರು ಟನ್ ತೂಕವಿರುವ ಕಂಟೇನರ್ ಬಿದ್ದು, ಅತ್ಯುತ್ತಮ ಗುಣಮಟ್ಟದ ವೋಲ್ವೊ ಕಾರಿನ ದೇಹವೇ ನಾಜ್ಜುಗಜ್ಜಾಗಿತ್ತು . ಈ ಬಗೆಯ ಸುದ್ದಿಗಳನ್ನು ನಾವು ಮೊದಲ ಬಾರಿ ಕೇಳುತ್ತಿಲ್ಲ . ಅಪಘಾತಗಳಲ್ಲಿ ಕಾರುಗಳು ಇನ್ನಿಲ್ಲದಂತೆ ಗಾಸಿಯಾಗಿ, ಒಳಗಿರುವವರು ವೃತಪಡುತ್ತಲೇ ಇರುತ್ತಾರೆ. ಹಾಗಾದರೆ ಇದಕ್ಕೇನ್ನು ಪರಿಹಾರ? ಜಪಾನಿನ ನಗೋಯ ವಿಶ್ವವಿದ್ಯಾಲಯ ದ ವಿಜ್ಞಾನಿಗಳು ಪ್ರಕಾರ ಇದಕ್ಕೊಂದು ಪರಿಹಾರ ಇದೆ.
ಸಾಮಾನ್ಯವಾಗಿ ಕಾರಿನ ದೇಹವನ್ನು ಎರಡು ಬಗೆಯ ಉಕ್ಕಿನಿಂದ ಇತ್ತೀಚಿನ ದಿನಗಳಲ್ಲಿ ತಯಾರಿ ಸಲಾಗುತ್ತಿದೆ. ಕಾರಿನ ಎಂಜಿನ್ ಇರುವ ಭಾಗವು ಮೃದು ಉಕ್ಕಿನಿಂದಲೂ ಪ್ರಯಾಣಿಕರ ಕ್ಯಾಬಿನ್ ಅನ್ನು ಬಲಿಷ್ಠ ಉಕ್ಕಿನಿಂದಲೂ ತಯಾರಿಸಲಾಗಿರುತ್ತದೆ. ಕೆಲವು ರೇಸಿಂಗ್ ಕಾರುಗಳಲ್ಲಿ ಕಾರ್ಬನ್ ಫೈಬರ್ ದೇಹವನ್ನು ಕಾಣಬಹುದಾಗಿದೆ. ಅಪಘಾತ ದ ಪರಿಣಾಮವನ್ನು ತಡೆದುಕೊಳ್ಳುವಂಥ ಕೆಲವು ಅತ್ಯುನ್ನತ ದೇಹನಿರ್ವೂಣ ತಂತ್ರಜ್ಞಾನಗಳನ್ನು ಐಷಾರಾಮಿ ಕಾರುಗಳಾದ ಬಿ ಎಂ ಡಬ್ಲ್ಯೂ, ಮಸ್ರಡೆಸ್ ಬೆನ್ಸ್, ವೋಲ್ವೊ , ರೋಲ್ಸ್ ರಾಯ್ಸ್ ಕಾರ್ ಗಳಲ್ಲಿ ಅಳವಡಿಸಲಾಗಿರುತ್ತದೆ. ಅಂದರೆ, ಬಹುಪದರದ ಉಕ್ಕಿನಿಂದ ಪ್ರಯಾಣಿಕರ ಕ್ಯಾಬಿನ್ ತಯಾರಿಸಲಾಗುತ್ತದೆ. ಆದರೂ, ಎಷ್ಟೇ ಉನ್ನತ ತಂತ್ರಜ್ಞಾನ ಬಳಸಿದರೂ, ಅಪಘಾತದ ತೀವ್ರತೆಯನ್ನು ತಡೆದುಕೊಳ್ಳುವುದಕ್ಕೆ ಕಾರುಗಳಿಗೆ ಮಿತಿಯಿರುತ್ತದೆ. ಇಲ್ಲವಾದರೆ, ಬೆಂಗಳೂರಿನಲ್ಲಿ ನಡೆದ ಅಪಘಾತದಲ್ಲಿ ಸಾಕ್ಷಿಯಾದಂತೆ ಕಾರುಗಳು ನಾಶವಾಗುತ್ತವೆ.
ಇದನ್ನೂ ಓದಿ:- ಸಮ್ಮೇಳನದ ನಿರ್ಣಯಗಳು ಶೀಘ್ರ ಅನುಷ್ಠಾನಗೊಳ್ಳಲಿ
ಈ ಸಮಸ್ಯೆಗೆ ಪರಿಹಾರವನ್ನು ಕಂಡುಕೊಳ್ಳುವ ನಿಟ್ಟಿನಲ್ಲಿ ಈಗಾಗಲೇ ಅನೇಕ ಹೆಜ್ಜೆಗಳನ್ನು ಇಡಲಾಗಿದೆ. ನಗೋಯ ವಿಶ್ವವಿದ್ಯಾಲಯ ದ ಸಂಶೋಧನೆಯನ್ನು ಅರ್ಥ ಮಾಡಿಕೊಳ್ಳುವ ಮೊದಲು ಹಾಲಿ ಇರುವ ತಂತ್ರಜ್ಞಾನದ ಬಗ್ಗೆ ಒಂದು ಕಿರು ನೋಟವನ್ನು ಬೀರಲೇಬೇಕು. ಕರಿನ ದೇಹದ ಚೌಕಟ್ಟಿನ್ನು ‘ಮಾನೋಕಾಕ್’ ಎಂದು ಕರೆಯಲಾಗುತ್ತದೆ. ಎಂದರೆ, ಒಂದು ಅಸ್ಥಿಪಂಜದಂತೆ ಹಿಡಿಯದ ಒಂದು ಆಕಾರವಿರುವ ಒಂದು ಆಕೃತಿ. ಅದರ ಮೇಲೆ ಕಾರಿನ ದೇಹದ ಭಾಗಗಳಾದ ಬಾಗಿಲು, ಗಾಜು ಇತ್ಯಾದಿಗಳು ಕೂರುತ್ತವೆ. ಇನ್ನೊಂದು’ಲ್ಯಾಡರ್’ [ಏಣಿ] ಚೌಕಟ್ಟು ಎಂದು. ಅಂದರೆ, ಚೌಕಟ್ಟಿನ ಮೇಲೆ ಕಾರಿನ ದೇಹವನ್ನು ಒಂದೊಂದಾಗಿ ಕೂರಿಸಲಾಗುತ್ತದೆ. ಸಾಮಾನ್ಯವಾಗಿ ಕಾರು ಇತ್ಯಾದಿ ವಾಹನಗಳು’ ಮೊನೋಕಾಕ್ ‘ಚೌಕಟ್ಟು, ಜೀಪ್, ಬಸ್, ಲಾರಿ ಇತ್ಯಾದಿ ವಾಹನಗಳಲ್ಲಿ ಲ್ಯಾಡರ್ ಚೌಕಟ್ಟು ಇರುತ್ತದೆ. ‘ಮಾನೋಕಾಕ್ ‘ ಚೌಕಟ್ಟು ನೋಡಲು ಒಂದೇ ಆಕೃತಿಯಂತೆ ಕಂಡರೂ, ಅನೇಕ ಭಾಗಗಳನ್ನು ಸೇರಿಸಿ, ಅಂಟಿಸಲಾಗಿರುತ್ತದೆ. ಎಂದರೆ, ಎಂಜಿನ್ ಭಾಗ , ಪ್ರಯಾಣಿಕರು ಕೂರುವ ಭಾಗ, ಚಾವಣಿ, ಅಡಿ ಭಾಗ, ಇವೆಲ್ಲವೂ ಪ್ರತ್ಯೇಕ ಭಾಗಗಳೇ. ಅವನ್ನು ಒಂದಕ್ಕೊಂದು ಬಳಿಕ ಅಂಟಿಸಿ , ಒಟ್ಟಾರೆಯಾಗಿ ಒಂದು ಆಕೃತಿಯಾಗಿರುವಂತೆ ಮಾಡಲಾಗುತ್ತದೆ.
ಈ ಅಂಟಿಸುವ ಪ್ರಕ್ರಯೆಯೇ ಗದ್ದು ಇಲ್ಲಿ ಮಹತ್ವವಾದದ್ದು. ಹಲ್ಲಿ ತಂತ್ರಜ್ಞಾನದಲ್ಲಿ ‘ಅಪ್ಪಕ್ಸಿ ರೆಸಿನ್’ ಎನ್ನುವ ಪ್ಲಾಸ್ಟಿಕ್-ರಬ್ಬರ್ ಆಧಾರಿತ ಅಂಟನ್ನು ವಿವಿಧ ಲೋಹದ ಭಾಗಗಳನ್ನು ಅಂಟಿಸಲು ಬಳಸಲಾಗುತ್ತದೆ . ಐಷಾರಾಮಿ ಕಾರು ಕಂಪೆನಿಗಳಿಂದ ಹಿಡಿದು, ಜನಸಾಮಾನ್ಯರ ಮೆಚ್ಚುಗೆಯ ಮಾರುತಿ, ಟಾಟಾ ಕಾರುಗಳವರಿಗೂ ಇದೇ ತಂತ್ರಜ್ಞಾನ ಇರುವುದು. ‘ಅಪಾ ಕ್ಸಿ ರೆಸಿನ್’ ಅಂಟು ಬಲಶಾಲಿಯೇ ಆಗಿರುವುದಾದರೂ ಅದಕ್ಕೆ ಅದರದೇ ಆದ ಮಿತಿಯಿದೆ.
ಅದರಲ್ಲಿ ಪ್ರಾಮುಖವಾದ ಮಿತಿ ಎಂದರೆ, ‘ಅಪಾಕ್ಸಿ ರೇಸಿನ್’ನ ಬಾಳಿಕೆಯ ಅವಧಿ. ಇದು ರಬ್ಬರ್ ಹಾಗೂ ಪ್ಲಾಸ್ಟಿಕ್ ಆಧಾರಿತ ರಾಸಾಯನಿಕ ವಸ್ತುವಾಗಿರುವ ಕಾರಣ ದಿನಗಳು ಕಳೆದಂತೆ ತನ್ನ ದೃಢತೆಯನ್ನು ಕಳೆದುಕೊಳ್ಳುತ್ತ ಬರುತ್ತದೆ. ಹಾಗಾಗಿ, ಕಾರು ಹಳೆಯದಾದಂತೆ ಕಾರಿನ ದೃಢತೆಯೂ ಕಡಿಮೆ ಆಗಬಹುದು. ಬೆಂಗಳೂರಿನಲ್ಲಿ ಅಪಘಾತವಾದ ಕಾರು ಕೇವಲ ಎರಡು ತಿಂಗಳು ಹಳೆಯದು. ಅದಕ್ಕೆ ಈ ವಾದ ಅನ್ವಯಿಸದೇ ಇರಬಹುದು. ಆದರೆ, ‘ಅಪಾಕ್ಸಿ ರೆಸಿನ್ ‘ಅಂಟು ಬಹುಪದರ ಜೋಡಣೆಗೆ ಹೇಳಿ ಮಾಡಿಸಿದ್ದಲ್ಲ ಎನ್ನುವ ಬಲವಾದ ವಾದ ವಿದೆ. ಹಾಗಾಗಿ, ಅಪಘಾತದ ಸಮಯದಲ್ಲಿ ತೀವ್ರವಾದ ಏಟು, ಅಥವಾ ಅತೀವ ಭಾಗ ಬಿದ್ದಾಗ ಬಹುಪದರ ಲೋಹದ ಬಳಿಕ ಆಗದೇ ಇರುವ ಕಾರಣ ಕಾರು ನಜ್ಜಾ ಗುಜ್ಜಾಗಬಹುದು.
ಹೊಸ ಪರಿಹಾರ ಜಪಾನಿನ ನಗೋಯ ವಿಶ್ವವಿದ್ಯಾಲಯದ ವಿಜ್ಞಾನಿಗಳ ಪ್ರಕಾರ ‘ ಅಪಾಕ್ಸಿ ರೆಸಿನ್ ‘ ಅಂಟನ್ನು ಬಳಕೆಯನ್ನು ನಿಲ್ಲಿಸುವುದು ಇದಕ್ಕೆ ಪರಿಹಾರ ವಾಗಬಹುದು ಎಂದಿದ್ದಾರೆ. ಪ್ಲಾಸ್ಟಿಕ್ ಹಾಗೂ ರಬ್ಬರ್ ಆಧಾರಿತ ಆಂಟಿಗೆ ಪರ್ಯಾಯವಾಗಿ, ‘ಜಲಜನಕ ನಕ ಆಧರಿತ ಶಾಖೋತ್ಪನ್ನ ಫೈಬರ್’ ಅಂಟನ್ನು ಬಳಸಬಹುದು ಎಂದು ಪ್ರತಿಪಾದಿಸಿದ್ದಾರೆ . ಪ್ರತಿಷ್ಠಿತ ಎ ಸಿ ಎಸ್ ಅಪ್ಲೈಡ್ ಮೆಟೀರಿಯಲ್ಸ್ ಆಂಡ್ ಇಂಟರ್ ಫೇಸಸ್ [ಅನ್ವಯಿಕ ಸಾಮಗ್ರಿಗಳು ಹಾಗೂ ಸಂಪರ್ಕಸೇತು] ನಿಯತ ಕಾಲಿಕೆಯಲ್ಲಿ ತಮ್ಮ ಸಂಶೋಧನೆಯನ್ನು ಪ್ರಕಟಿಸಿದ್ದಾರೆ.
ಈ ಅಂಟು ಸಾಂಪ್ರದಾಯಿಕ ‘ಅಪಾಕ್ಸಿ ರೆಸಿನ್ ‘ ಅಂಟಿಗಿಂತ ಸುಮಾರು ೨೩ ಪಟ್ಟು ಹೆಚ್ಚು ಬಲಶಾಲಿಯಾಗಿರುತ್ತದೆ. ಜೊತೆಗೆ ಸುಮಾರು ೨೦ ಪಟ್ಟು ಹೆಚ್ಚು ಬಾಳಿಕೆ ಬರುತ್ತದೆ. ಸಾಮಾನ್ಯವಾಗಿ ಪ್ಲಾಸ್ಟಿಕ್ ಅಥವಾ ರಬ್ಬರ್ ಬಿಸಿಲು ಹಾಗೂ ಶಾಖಕ್ಕೆ ತೆರೆದುಕೊಂಡರೆ ತಮ್ಮ ಶಕ್ತಿಯನ್ನು ಕಳೆದುಕೊಂಡು ಮೃದುವಾಗುತ್ತವೆ. ನಾವು ಪ್ರತಿನಿತ್ಯ ಅನೇಕ ಸಂದರ್ಭಗಳಲ್ಲಿ ಇದನ್ನು ನೋಡಿರುತ್ತೇವೆ . ಇದಕ್ಕೆ ಕಾರಣ ,ಇವುಗಳಲ್ಲಿ ಇರುವ ಇಂಗಾಲದ ಅಂಶ. ಈ ಹೊಸ ಅಂಟು ಜಲಜನಕ ಆಧಾರಿತವಾಗಿರುವ ಕಾರಣ, ಈ ಮಿತಿ ಇರುವುದಿಲ್ಲ. ಫೈಬರ್ ಅಂಶ ಹೊಸ ಅಂಟಿನಲ್ಲೂ ಇರುವುದಾದರೂ ಇಂಗಿಲದ ಅಂಶ ‘ಅಪಾಕ್ಸಿ ರೆಸಿನ್ ‘ ಅಂಟಿಗೆ ಹೋಲಿಸಿದರೆ ಕಡಿಮೆ ಇರುತ್ತದೆ. ಹಾಗಾಗಿ, ಇದು ಬೇಗ ಹಾಳಾಗುವುದಲ್ಲಿ ಎಂದು ನಗೋಯ ವಿಶ್ವವಿದ್ಯಾಲಯದ ಪ್ರಧಾನ ಸಂಶೋಧಕ ಅಟ್ಸುಷಿ ನೋರೊ ವಾದ ಮಂಡಿಸಿದ್ದಾರೆ.
ಜೊತೆಗೆ , ಈ ಅಂಟು ಹಗುರವಾದ ಅಲ್ಯೂಮಿನಂಮಾದರಿಯ ಲೋಹದ ಹಳೆಗಳನ್ನು ಸಮರ್ಥವಾಗಿ ಬೆಸೆಯುವ ಗುಣ ಹೊಂದಿರುತ್ತದೆ. ಜೊತೆಗೆ ,ಕಾರ್ಬನ್ ಫೈಬರ್, ಸಿಂಥೆಟಿಕ್ ಆಧರಿತ ಸಾಮಗ್ರಿಗಳನ್ನು ಹಾಳೆ ಹಳೆಗಳಾಗಿ ಅಂಟಿಸಬಲ್ಲದಾಗಿರುತ್ತದೆ. ಆದ್ದರಿಂದ ಪ್ರಯಾಣಿಕರ ಕ್ಯಾಬಿನ್ ನಂಥ ಭಾಗಗಳನ್ನು ಅತ್ಯಂತ ಬಲಶಾಲಿಯಾಗಿ ನಿರ್ಮಿಸಬಹುದಾಗಿದೆ ಎಂದು ವ್ಯಾಖ್ಯಾಸಿದ್ದಾರೆ.
ಈ ತಂತ್ರಜ್ಞಾನವನ್ನು ಯುದ್ಧ ವಿಮಾನಗಳು, ನೌಕೆಗಳಲ್ಲಿ ಬಳಸಬಹುದಾಗಿದೆ ಎಂದು ನೋರೊ ಹೇಳಿದ್ದಾರೆ. ಈ ತಂತ್ರಜ್ಞಾನವನ್ನು ಬಳಿಸಿದರೆ ವಾಹನದ ದೇಹವು ದೃಢವೂ ಹಗುರವೂ ಆಗಿರುತ್ತದೆ ಎಂಬುದು . ಜೊತೆಗೆ, ವಾಹನದ ಮೈಲೇಜ್ ಸಹ ಹೆಚ್ಚುತ್ತದೆ ಎಂದೂ ವಿಶ್ಲೇಷಿಸಿದ್ದಾರೆ.