ಭಾರತ-ಅಮೆರಿಕ ಸಹಯೋಗದಲ್ಲಿ ಹೊಸ ಶಕೆ
ಫ್ರಾನ್ಸ್ ರಾಜಧಾನಿ ಪ್ಯಾರಿಸ್ ನಲ್ಲಿ ಫೆಬ್ರವರಿ ಅಂದ 11ರಂದು ಕೃತಕ ಬುದ್ಧಿವಂತಿಕೆಯ ಕುರಿತಾದ ಜಾಗತಿಕ ಸಮಾವೇಶದಲ್ಲಿ ಫ್ರೆಂಚ್ ಅಧ್ಯಕ್ಷ ಇಮ್ಯಾ ನ್ಯೂಯೇಲ್ ಮ್ಯಾಕ್ರೋ ಜತೆ ಸಹ ಅಧ್ಯಕ್ಷತೆ ವಹಿಸಿದ ನಂತರ ಪ್ರಧಾನಮಂತ್ರಿ ನರೇಂದ್ರ ಮೋದಿ ವಾಷಿಂಗ್ಟನ್ ಗೆ ಪ್ರಯಾಣಿಸಿದರು ಡೊನಾಲ್ಡ್ ಟ್ರಂಪ್ ಎರಡನೆಯ ಬಾರಿಗೆ ಅಮೆರಿಕದ ಅಧ್ಯಕ್ಷರಾಗಿ ಅಧಿಕಾರ ವಹಿಸಿಕೊಂಡ ನಂತರ ಅವರಿಂದ ಆಹಾನ್ವಿತರಾಗಿ ವಾಷಿಂಗ್ಟನ್ ಗೆ ಭೇಟಿ ನೀಡುತ್ತಿರುವ, ಎರಡನೆಯ ಜಾಗತಿಕ ನಾಯಕ ಮೋದಿ, ಅಮೆರಿಕದ ಕನಿಷ್ಠ ಮಿತ್ರ ದೇಶ ಅಮೆರಿಕದ ಮಗಳು ಎಂದೆ ಹಲವಾರು ವಿಶ್ಲೇಷಕರಿಂದ ಬಣ್ಣಿಸಲ್ಪಡುವ ಯೆಹೂದಿ ರಾಷ್ಟ್ರ ಇಸ್ರೇಲ್ನನ ಪ್ರಧಾನಮಂತ್ರಿ ಬೆಂಜಮಿನ್ಸ್ ನೇತನ್ಯಾಹು ವಾರದ ಹಿಂದೆಯಷ್ಟೇ ವಾಷಿಂಗ್ ಟನ್ ಗೆ ಭೇಟಿ ನೀಡಿ ಟ್ರಂಪ್ ರೊಂದಿಗೆ ಮಾತುಕಥೆ ನಡೆಸಿ ಜಂಟಿ ಪತ್ರಿಕಾಗೋಷ್ಠಿಯಲ್ಲಿ ಭಾಗವಹಿಸಿಯೂ ಆಗಿದೆ. ಈಗ , ಒಬ್ಬೊಬ್ಬರು ಒಳ್ಳೆಯ ಮಿತ್ರ ,ಎಂದು ಒಂದಕ್ಕಿಂತ ಹೆಚ್ಚು ಬಾರಿ ಕರೆದುಕೊಂಡಿರುವ ಟ್ರಂಪ್ ಮತ್ತು ಮೋದಿ ಭೇಟಿಯಾಗಲಿರುವುದು ಸಹಜವಾಗಿಯೇ ಜಾಗತಿಕವಾಗಿ ಆಸಕ್ತಿ ಕೆರಳಿಸಿರುವ ವಿಷಯ.
ಸಾಮಾನ್ಯವಾಗಿ ಶ್ವೇತಭವನಕ್ಕೆ ಹೊಸ ಅಧ್ಯಕ್ಷರು ಪ್ರವೇಶಿಸಿದಾಗ ಅವರು ಮೊದಲಿಗೆ ಆಹ್ವಾನಿಸುವುದು ನೆರೆಯ ಕೆನಡಾ ಮತ್ತು ಮೆಕ್ಸಿಕೋ ಅಥವಾ ನ್ಯಾಟೋದಲ್ಲಿ ಪ್ರಮುಖ ಸಹಯೋಗಿಗಳಾದ ಬ್ರಿಟನ್ ಮತ್ತು ಜರ್ಮನಿಗಳ ನೇತಾರರನ್ನು .ಆ ಸಂಪದಾಯವನ್ನು ಟ್ರಂಪ್ ಮುರಿದಿದ್ದಾರೆ. ಹಾಗೆ ನೋಡಿದರೆ ಅವರು 2024ರ ನವೆಂಬರ್‌ನಲ್ಲಿ ಅಧ್ಯಕ್ಷೀಯ ಚುನಾವಣೆಯಾನ್ನು ಜಯಿಸಿದಾಗಲೇ ಸಂಪ್ರದಾಯ ಮುರಿದಿದ್ದರು. ವಿಜೇತ ಅಭ್ಯರ್ಥಿಗಳೂ ಮೊದಲಿಗೆ ದೂರವಾಣಿಯಲ್ಲಿ ಸಂಪರ್ಕಿಸುವುದು ಅದೇ ಕೆನಡಾ, ಮೆಕ್ಸಿಕೋ, ಬ್ರಿಟನ್, ಜರ್ಮನಿಗಳ ನೇತಾರರನ್ನೇ, ಆದರೆ ಟಂಸ್ ಮೊದಲು ಸಂಪರ್ಕಿಸಿದ್ದು ಇಸ್ರೇಲ್ ಮತ್ತು ಭಾರತದ ಪ್ರಧಾನಮಂತ್ರಿಗಳ ಜತೆ ಸೌದಿ ಅರೇಬಿಯಾದ ಪ್ರಧಾನಮಂತ್ರಿ ರಾಜಕುಮಾರ ಮಹಮದ್‌ ಬಿನ್ ಸಲ್ಮಾನ್ ಅವರನ್ನು, ಆ ಮೂಲಕ ವಿದೇಶಾಂಗೆ ರಕ್ಷಣಾ ಮತ್ತು ಆರ್ಥಿಕ ಕ್ಷೇತ್ರಗಳಲ್ಲಿ ತಮ್ಮ ಆದ್ಯತೆಗಳು ಎಸಿರುತ್ತವೆ ಎಂಬ ಸುಳಿವನ್ನು ಅಂದೇ ಅವರು ಜಗತ್ತಿಗೆ ಸ್ಪಷ್ಟವಾಗಿ ಮನಗಾಣಿಸಿದ್ದರು. ಎರಡೂವರೆ ತಿಂಗಳುಗಳ ನಂತರ ಅಧ್ಯಕ್ಷರಾಗಿ ಶ್ವೇತಭವನ ಪ್ರವೇಶಿಸಿದ ಮೇಲೂ ಅವರದು ಅದೇ
ಚಿಂತನೆ, ಅವೇ ಆಯ್ಕೆಗಳು.
ಆದರೆ ಈ ಬಾರಿ ಅಧಿಕಾರಕ್ಕೆ ಬರುತ್ತಿದ್ದಂತೆ ಟ್ರಂಪ್ ಅಕ್ರಮ ವಲಸಿಗರ ಕುರಿತಾಗಿ ತೆಗೆದುಕೊಳ್ಳುತ್ತಿರುವ ಕಠಿಣ ಕ್ರಮಗಳು ಹಾಗೂ ಕೆನಡಾ, ಮೆಕ್ಸಿಕೋ ಮತ್ತು ಚೀನಾಗಳಿಂದ ಬರುವ ಸರಕುಗಳ ಮೇಲೆ ದೊಡ್ಡ ಪ್ರಮಾಣದ ಸುಂಕ ವಿಧಿಸುವ ನಿರ್ಣಯ ಹಾಗೂ ಅಂತಹದೇ ಕ್ರಮಗಳನ್ನು ಯೂರೋಪಿಯನ್ ಒಕ್ಕೂಟದ ವಿರುದ್ಧವೂ ತೆಗೆದುಕೊಳ್ಳುವ ಎಚ್ಚರಿಕೆ ಮುಂತಾದ ನಡೆಗಳು ಜಾಗತಿಕವಾಗಿ ಅವರ ಬಗ್ಗೆ ಆತಂಕ, ಅನುಮಾನ ಹಾಗೂ ತಿರಸ್ಕಾರವನ್ನು ಮೂಡಿಸಿರುವ ಸಂದರ್ಭದಲ್ಲಿ ಇಸ್ರೇಲ್ ಮತ್ತು ಭಾರತದ ಜತೆ ಅವರು ಹೇಗೆ ಸ್ನೇಹಯುತ ಹಾಗೂ ಸರ್ಕಾರಿ ನೀತಿಗಳನ್ನು ಅನುಸರಿಸಬಹುದು ಎಂಬ ಬಗ್ಗೆ ಚರ್ಚೆಯಾಗುತ್ತಿದೆ. ಈ ಹಿನ್ನೆಲೆಯಲ್ಲಿ ತಂತಮ್ಮ ವಾಷಿಂಗ್ಟನ್ ಭೇಟಿಗಳಿಂದ ನೇತನ್ಯಾಹು ಗಳಿಸಿದ್ದೇನು ಮತ್ತು ಮೋದಿ ಗಳಿಸಲಿರುವುದೇನು ಎನ್ನುವುದು ಗಮನಿಸಬೇಕಾದ ವಿಷಯ.
ಹಾಗೆ ನೋಡಿದರೆ ಟ್ರಂಪ್‌ರನ್ನು ಬೇಟಿಯಾಗುವುದರಲ್ಲಿ ನೇತನ್ಯಾಹು ನಿರಾಸಕ್ತಿ ತೋರಬಹುದಾದಂಥ ಸನ್ನಿವೇಶ ಜನವರಿ ಮಧ್ಯಭಾಗದಲ್ಲಿ ನಿರ್ಮಾಣವಾಗಿತ್ತು.
ಪ್ರಮಾಣವಚನಕ್ಕೆ ಕೆಲವೇ ದಿನಗಳ ಮೊದಲು ಟ್ರಂಪ್ ಇಸ್ರೇಲಿ ಪ್ರಧಾನಮಂತ್ರಿಗಳ ಕುರಿತಾಗಿ ಅಪಶಬ್ದಗಳನ್ನಾಡಿದ್ದರು. ಅದು ನೇತನ್ಯಾಹು ಅವರನ್ನು ನೋಯಿಸಿರುತ್ತದೆ ಮತ್ತು ಅದರಿಂದಾಗಿ ಟ್ರಂಪ್ ಆಡಳಿತಾವಧಿಯಲ್ಲಿ ಅಮೆರಿಕ-ಇಸ್ರೇಲ್ ಸಂಬಂಧಗಳು ಕೃತಿಗೊಳ್ಳುತ್ತವೆ ಎನ್ನುವ ಮಾತುಗಳು ಕೇಳಿಬರತೊಡಗಿದ್ದವು. ಆದರೆ ಹಾಗೇನೂ ಆಗಲಿಲ್ಲ. ಬದಲಿಗೆ ಉಭಯ ದೇಶಗಳ ನಡುವಿನ ಸಂಬಂಧಗಳು ಎರಡು ವಾರಗಳಿಗೂ ಕಡಿಮೆ ಅವಧಿಯಲ್ಲಿ ಉನ್ನತ -ಮಜಲಿಗೇರಿದವು. ಬೈಡೆನ್ ಸರ್ಕಾರ ಇಸ್ರೇಲ್‌ಗೆ ನೀಡಲು ನಿರಾಕರಿಸಿದ್ದ ಬಲವಾದ ಬಂಕರ್‌ಗಳನ್ನೂ ಒಡೆದು ಒಳನುಗ್ಗಬಲ್ಲ 2,000 ಕಿಲೋಗ್ರಾಂ ಸ್ಫೋಟಕಗಳಿರುವ 1,800ರಷ್ಟು ದೊಡ್ಡ ಸಂಖ್ಯೆಯ ಬಿಎಲ್‌ಯು-109ಎಸ್ ಬಾಂಬ್‌ಗಳನ್ನು ಆ ಯೆಹೂದಿ ರಾಷ್ಟ್ರಕ್ಕೆ ಒದಗಿಸುವ ನಿರ್ಣಯವನ್ನು ಟ್ರಂಪ್ ತೆಗೆದುಕೊಂಡಿದ್ದಾರೆ. ಅಷ್ಟೇ ಅಲ್ಲ, ಗಾಜಾ ಪಟ್ಟಿಯನ್ನು ಅಮೆರಿಕದ ವಶಕ್ಕೆ ತೆಗೆದುಕೊಂಡು ಅದನ್ನು ಸುಂದರ ಪ್ರವಾಸಿ ಸ್ಥಳವನ್ನಾಗಿ ಬೆಳೆಸುವ, ಆ ಮೂಲಕ ಹಮಾಸ್‌ ಭಯೋತ್ಪಾದಕ ಕೃತ್ಯಗಳನ್ನು ಶಾಶ್ವತವಾಗಿ ನಿಲುಗಡೆಗೆ ತರುವಂಥ ಮಾತುಗಳೂ ಸೇರಿ ಇಸ್ರೇಲ್‌ಗೆ ಕರ್ಣಾನಂದಕರವೆನಿಸುವ ಒಂದಕ್ಕಿಂತ ಹೆಚ್ಚು ಘೋಷಣೆಗಳನ್ನು ಮಾಡಿ ಪ್ರಧಾನಿ ನೇತನ್ಯಾಹು ಅವರ ಮುಖ ಖುಷಿಯಿಂದ ಅರಳುವಂತೆ ಟ್ರಂಪ್ ಮಾಡಿದ್ದಾರೆ.
ಇಲ್ಲಿ ನಾವು ಗುರುತಿಸಬೇಕಾದ್ದು ನೇತನ್ಯಾಹು ಅವರ ನಡವಳಿಕೆಯನ್ನು. ತಮ್ಮ ಬಗ್ಗೆ ಅಪಶಬ್ದಗಳನ್ನು ಆಡಿದರೆಂದು ಅವರು ಟ್ರಂಪ್ ವಿರುದ್ಧ ವಾಗ್ದಾಳಿ ಮಾಡಲಿಲ್ಲ. ತಮ್ಮ ದೇಶಕ್ಕೆ ಅಮೆರಿಕದ ಸಬ್ಬ ಹಾಗೂ ಸೇನಾ ಸಹಾಯ ಅತ್ಯಗತ್ಯ, ಅದು ವೈಯಕ್ತಿಕ ನಿಂದನೆಗಳಿಂದಾಗಿ ಹಾಳಾಗಬಾರದು ಎಂಬ ಪ್ರಬುದ್ಧ ನಿಲುವನ್ನು ಅವರು ತಳೆದರು. ಜತೆಗೆ, ಟ್ರಂಪ್‌ರ ಬಾಯಿಬಡುಕತನಕ್ಕೆ ಬೆಲೆ ಕೊಡದೆ, ಅವರ ಮಾತಿಗಿಂತ ಕೃತಿಯ ಕಡೆ ಗಮನ ನೀಡುವುದು ವಿಹಿತ ಎಂದು ಆ ಪರಿಣಿತ ರಾಜಕಾರಣಿ ಹಾಗೂ ಸಮರತಜ್ಞ ಸರಿಯಾಗಿಯೇ ಲೆಕ್ಕಹಾಕಿದ್ದಾರೆ. ರಾಷ್ಟ್ರಗಳು ಆಗಾಗ ಸಹಜವಾಗಿಯೇ ಎದುರಾಗುವ ತೊಡಕುಗಳನ್ನು ಬದಿಗೊತ್ತಿ ಸಹಕಾರದ ಹಾದಿಯಲ್ಲಿ ಮುಂದೆ ಸಾಗುವುದು ಇಂತಹ ಪ್ರಬುದ್ಧ ನಡೆಗಳಿದಂಲ್ಲೇ.
ನೇತನ್ಯಾಹು ಅವರ ಫಬುದ್ಧತೆಯನ್ನು ಮೋದಿ ಕಳೆದುಕೊಂಡ ದಶಕದಿಂದಲೂ ಪ್ರದರ್ಶಿಸುತ್ತಲೇ ಬಂದಿದ್ದಾರೆ2002ರ ಗುಜರಾತ್ ಕೋಮು ಹಿಂಸಾಚಾರ ಕುರಿತಂತೆ ತೀಸ್ತಾ ಸೇತಲ್ವಾಡ್ ರಂಥ ಕುಹತಿಗಳು ಮೋದಿಯವರ ಮೇಲೆ ಮಾಡಿದ ಸುಳ್ಳು ಕಾಪಾದನೆಗಳನ್ನು ಮುಂದಿಟ್ಟುಕೊಂಡು ನಮ್ಮ ಕೆಲಸಂಸತ್ ಸದಸ್ಯರು ಬರೆದ ಪತ್ರದ ಆಧಾರದ ಮೇಲೆ ಬರಾಕ್ ಹುಸೇನಾ ಒಬ್ಬಮ ಆಡಳಿತ ಗುಜರಾತ್ ಮುಖ್ಯಮಂತ್ರಿ ಅಮೆರಿಕದ ವೀಸಾ ನೀಡದೆ ಅವಮಾನಿಸಿದ್ದನ್ನು ನೆನಪಿಸಿಕೊಳ್ಳಿ. ಆದರೆ ಅದೇ ಗುಜರಾತ್ ಮುಖ್ಯಮಂತ್ರಿ ಭಾರತದ ಪ್ರಧಾನಿಯಾದಾಗ ಪ್ರಸಕ್ತ ಜಾಗತಿಕ ಸನ್ನಿವೇಶದಲ್ಲಿ ಈ ರಾಷ್ಟ್ರಕ್ಕೆ ಅಮೆರಿಕದ ಘನಿಷ್ಠ ಸಾಮರಿಕ, ರಾಜ ತಂತ್ರಿಕ ಹಾಗೂ ಆರ್ಥಿಕ ಸಹಾಯೋಗ ಅತ್ಯಗತ್ಯ ಎಂದು ಗುರುತಿಸಿದರು ಮತ್ತು ತಮಗಾದ ವೈಯಕ್ತಿಕ ಅವಮಾನದಿಂದಾಗಿ ಅದು ಹಾಳಾಗಬಾರದೆಂದು ತೀರ್ಮಾನಿಸಿದರು ಆಧಿಕಾಕ್ಕೆ ಬಂದ ವರ್ಷವೇ (2014) .ವಿಶ್ವಸಂಸ್ಥೆಯ ಅಧಿವೇಶನದ ನೆಪದಲ್ಲಿ ಅಮೆರಿಕಕ್ಕೆ ಭೇಟಿ ನೀಡಿದರು ಮತ್ತು ತಮಗೆ ವೀಸಾ ನಿರಾಕರಿಸಿದ್ದ.ಅದೇ ಒಲಾಮರನ್ನು 2015ರ ಗಣರಾಜ್ಯೋತ್ಸವಕ್ಕೆ ಮುಖ್ಯ ಅತಿಥಿಯನ್ನಾಗಿ ಅಹ್ವಾನಿಸಿದರು. ಇಲ್ಲಿಗೆ ಬಂದ ಒಬಾಮ ನಮ್ಮ ಸಂಸತ್ತಿನಲ್ಲಿ ನಿಂತು ನಮಗೇ ಪ್ರಜಾಪ್ರಭುತ್ವದ ಬಗ್ಗೆ ಉಪದೇಶ ನೀಡುವಂಥ ತನ್ನ ಯೋಗ್ಯತೆಗೆ ಮೀರಿದ ಕೃತ್ಯವನ್ನು ಮಾಡಿದ್ದು ಬೇರೆಯೇ ಕಥೆ ಬಿಡಿ ನಾವಿಲ್ಲಿ ಲೆಕ್ಕಕ್ಕೆ ತೆಗೆದುಕೊಳ್ಳಬೇಕಾದದ್ದು ತಮ್ಮ ವೈಯಕ್ತಿಕ ಮಾನ-ಅವಮಾನಗಳಿಗಿಂತಲೂ ಭಾರತದ ಹಿತಾಸಕ್ತಿಗಳು ಮುಖ್ಯ ಎಂಬ ಪ್ರಬುದ್ಧ ನಿಲುವುನಡೆಯನ್ನು ಮೋದಿ ಪ್ರದರ್ಶಿಸಿದ್ದನ್ನು.
ಇದನ್ನೂ ಓದಿ:ಭವಿಷ್ಯಕ್ಕೆ ಎಐ ದಿಕ್ಸೂಚಿ
ಭಾಗ-1
ಅಂತಹದೇ ಪ್ರಬುದ್ಧತೆಯನ್ನು ಐದು ವರ್ಷಗಳ ನಂತರ ಟ್ರಿಂಪ್ ಅವರ ವಿಷಯದಲ್ಲೂ ಮೋದಿ ಮತ್ತವರ ಸರ್ಕಾರ ಪ್ರದರ್ಶಿಸಿತು. ಕರೊನಾ ಮಹಾಮಾರಿ ಮಾನವಕುಲವನ್ನು ಹಿಂಸಿಸತೊಡಗಿದಾಗ ಪ್ಯಾರಾಸಿಟಮಾಲ್ ಮಾತ್ರೆಗಳ ದೊಡ್ಡ ಉತ್ಪಾದಕ ಭಾರತಕ್ಕೆ ಅವುಗಳಿಗಾಗಿ ಜಗತ್ತಿನ ಎಲ್ಲೆಡೆಯಿಂದ ಬೇಡಿಕೆ ಬಂತು. ಅದರಿಂದಾಗಿ ಅಂತರಿಕ ಪೂರೈಕೆಗೆ ಧಕ್ಕೆಯಾಗತೊಡಗಿದಾಗ ಆ ಮಾತ್ರೆಗಳ ರಫ್ತನ್ನು ಮೋದಿ ಸರ್ಕಾರ ತಾತ್ಕಾಲಿಕವಾಗಿ ನಿಲ್ಲಿಸಿತು. ಆದರೆ ಭಾರತೀಯರಂತೆ ಜಗತ್ತಿನ ಇತರರಿಗೂ ಪ್ಯಾರಾಸಿಟಮಾಲ್ ಮಾತ್ರೆಗಳ ಅಗತ್ಯವಿದೆ. ನಮ್ಮ ಜಾಗತಿಕ ಜವಾಬ್ದಾರಿಯನ್ನು ನಾವು ಬಿಟ್ಟು ಓಡಿಹೋಗಬಾರದು ಎಂಬ ಉದಾತ್ತ ನೀತಿ ತಳೆದ ಮೋದಿ ಸರ್ಕಾರ ಆ ಮಾತ್ರೆಗಳ ಉತ್ಪಾದನೆಯನ್ನು ಹೆಚ್ಚಿಸುವ ಕ್ರಮಗಳನ್ನು ಕೈಗೊಂಡು ಅವುಗಳ ರಪ್ಪನ್ನೂ ಪುನರಾರಂಭಿಸಿತು. ‘ವಸುಧೈವ ಕುಟುಂಬಕಂ’ ಎಂಬ ಧೈಯ ಹೊಂದಿದ ಎನ್‌ಡಿಎ ಸರ್ಕಾರದಿಂದ ಈ ನಡವಳಿಕೆ ನಿರೀಕ್ಷಿತವೇ ಆಗಿತ್ತು. ಆದರೆ ಇದನ್ನರಿಯದ ಅಥವಾ ದುರುದ್ದೇಶ ಹೊಂದಿದ ಪತ್ರಕರ್ತರೊಬ್ಬರು. ‘ಪಾರಾಸಿಟಮಾಲ್ ಮಾತ್ರೆಗಳನ್ನು ಕೊಡಲು ಭಾರತ ನಿರಾಕರಿಸುತ್ತಿರುವುದಕ್ಕೆ ಪ್ರತಿಯಾಗಿ ಭಾರತವನ್ನು ಶಿಕ್ಷಿಸುವ ಕ್ರಮ ತೆಗೆದುಕೊಳ್ಳುತ್ತೀರಾ?” ಎಂದು ಪತ್ರಿಕಾಗೋಷ್ಠಿಯಲ್ಲಿ ಟ್ರಂಪ್ ರನ್ನು ಪ್ರಶ್ನಿಸಿದರು. ಆಗ ಟ್ರಂಪ್ ಉತ್ತರಿಸಿದ್ದು, ಹೌದು ಭಾರತವನ್ನು ಶಿಕ್ಷಿಸುವ ಕ್ರಮ ಕೈಗೊಳ್ಳುತ್ತೇವೆ ಎಂದು!
ಏಳು ತಿಂಗಳುಗಳ ಹಿಂದೆ 2019ರ ಸೆಪ್ಟಂಬರ್ ನಲ್ಲಿ ಹ್ಯೂ‍ಸ್ಟನನೀಲಿ ‘ಹೌಡಿಮೋದಿ, ಹಾಗೂ ಕೇವಲ ಎರಡೇ ತಿಂಗಳುಗಳ ಹಿಂದೆ 2020ರ ಫೆಬ್ರವರಿಯಲ್ಲಿ ಅಹ್ಮದಾಬಾದ್‌ನಲ್ಲಿ ‘ಹಲೋ ಟ್ರಂಪ್” ಕಾರ್ಯಕ್ರಮಗಳು ನಡೆದು ಜಗತ್ತನ್ನು ಬೆರಗಾಗಿಸಿದ್ದರ ಹಿನ್ನೆಲೆಯಲ್ಲಿ ಟ್ರಂಪ್ ಆ ಮಾತು ಅನಪೇಕ್ಷಿತವಾಗಿತ್ತು. ಆದರೆ ಮೋದಿಯವರಾಗಲೀ, ಅವರ ಸರ್ಕಾರದ ಮಂತ್ರಿಗಳಾಗಲೀ ಟ್ರಂಪ್ ಬಗ್ಗೆ ಕೆಟ್ಟಮಾತುಗಳನ್ನಾಡಲಿಲ್ಲ. ಯಾವುದೋ ಒಂದು ಕ್ಷಣದಲ್ಲಿ ಅಪ್ತರ ಬಾಯಿಯಿಂದ ಹೊರಟು ತೂರಿಹೋಗುವ ಪದಗಳನ್ನು ಗಂಭೀರವಾಗಿ ಪರಿಗಣಿಸುವುದು ಬೇಡ, ಅದೇ ಪದಗಳು ಅವರಿಂದ ಮತ್ತೆಮತ್ತೆ ಬಂದರೆ ಅದನ್ನು ಗಂಭೀರವಾಗಿಭಾರತವನ್ನು ಶಿಕ್ಷಿಸುವ ಮಾತು ಟ್ರಂಪ್‌ರಿಂದ ಮತ್ತೊಮ್ಮೆ ಬರಲಿಲ್ಲ. ಬದಲಿಗೆ ಎರಡು ತಿಂಗಳುಗಳ ನಂತರ ಗಲ್ವಾನ್ ಮುಖಭಂಗಕ್ಕೆ ಪ್ರತೀಕಾರ ತೀರಿಸಿಕೊಳ್ಳಲು 2020ರ ಜೂನ್ ಕೊನೆಯ ವಾರದಲ್ಲಿ ಪಾಕಿಸ್ತಾನದ ಜತೆಗೂಡಿ ನಮ್ಮ ಉತ್ತರ ಲಡಾಖ್ ಮೇಲೆ ಸಂಯೋಜಿತ ದಾಳಿ ಎಸಗುವ ಯೋಜನೆಯನ್ನು ಚೀನಾ ಹಾಕಿತ್ತು. ಅದರ ಸುಳಿವು ಪಡೆದುಕೊಂಡ ಟ್ರಂಪ್ ಆಡಳಿತ ನಮ್ಮ ಸಹಾಯಕ್ಕೆ ಬಂತು, ವಿದೇಶಾಂಗ ಕಾರ್ಯದರ್ಶಿ ಮೈಕ್ ಪಾಂಪಿಯೋ ಪಾಕಿಸ್ತಾನವನ್ನು ಬೆದರಿಸಿ ಹಿಂದಕ್ಕಟ್ಟಿದ್ದಲ್ಲದೆ ಚೀನಾಗೂ ಎಚ್ಚರಿಕೆ ನೀಡಿ ಅದರ ಯುದ್ಧೋತ್ಸಾಹಕ್ಕೆ ತಣ್ಣೀರೆರಚಿದರು.
ಒಂದುವೇಳೆ ಪ್ಯಾರಾಸಿಟಮಾಲ್ ವಿಷಯದಲ್ಲಿ ಟ್ರಂಪ್‌ರ ಮಾತಿಗೆ ನಮ್ಮ ನಾಯಕರೂ ಖಾರವಾಗಿ ಪ್ರತಿಕ್ರಿಯಿಸಿದ್ದರೆ ನಮ್ಮ ಸಂಕಷ್ಟದ ಸಮಯದಲ್ಲಿ ಅವರ ಸರ್ಕಾರ ನಮ್ಮ ಪರವಾಗಿ ದನಿಯೆತ್ತುತ್ತಿತ್ತೇ? ಮೋದಿ ಮತ್ತು ನೇತನ್ಯಾಹು ಅವರಷ್ಟು ಪ್ರಬುದ್ಧತೆ ಇಲ್ಲದ ಜಾಗತಿಕ ನಾಯಕರನ್ನು ಟ್ರಂಪ್ ಹೇಗೆ ತೆಗೆದುಕೊಳ್ಳುತ್ತಾರೆ ಎನ್ನುವುದಕ್ಕೆ ಕೆನಡಾದ ಪ್ರಧಾನಮಂತ್ರಿ ಜಸ್ಟಿನ್ ಟೂಡೋ ಒಂದು ಅತ್ಯುತ್ತಮ ಉದಾಹರಣೆ. ಮೆಕ್ಸಿಕೋ ಅಧ್ಯಕ್ಷೆ ಕ್ಲಾಡಿಯಾ ಶೇನ್‌ಬಾಮ್ ಪಾರ್ಡೋ ಸಹಾ ತುಸು ಹಾಗೆಯೇ. ದಿನವೊಂದಕ್ಕೆ ಇನ್ನೂರರಷ್ಟು ಅಮೆರಿಕನ್ ಜೀವಗಳನ್ನು ಬಲಿತೆಗೆದುಕೊಳ್ಳುವ ಚೀನೀ ತಯಾರಿಕೆ ವೆಂಟಾನಿಲ್ ಮಾದಕದ್ರವ್ಯ ಅಮೆರಿಕಕ್ಕೆ ಕಳ್ಳಸಾಗಾಣಿಕೆ ಮೂಲಕ ತಲುಪುವುದು ಕೆನಡಾ ಮತ್ತು ಮೆಕ್ಸಿಕೋಗಳ ಮೂಲಕ. ಅದನ್ನು ತಡೆಯಲು ಸೂಕ್ತ ಕ್ರಮ ಕೈಗೊಳ್ಳುವಂತೆ ಟ್ರಂಪ್ ಮಾಡಿದ ನಿಲುವಿಗೆ ಆ ಮೂರೂ ದೇಶಗಳಿಂದಲೂ ಬಂದದ್ದು ನಿರಾಶೆಯ ಪ್ರತಿಕ್ರಿಯೆ. ಆಗ ಟ್ರಂಪ್ ಹಿಡಿದದ್ದು ‘ಮೂಗು ಒತ್ತಿದರೆ ಬಾಯಿ ತಾನಾಗಿಯೇ ತೆರೆಯುತ್ತದೆ’ ಎಂಬ ನೀತಿ, ಅವುಗಳ ಆದಾಯವನ್ನು ಕತ್ತರಿಸುವ ಕ್ರಮ ಕೈಗೊಂಡರೆ ತಮ್ಮ ಮಾತನ್ನು ಆ ದೇಶಗಳು ಮುಖ್ಯವಾಗಿ ಕೆನಡಾ ಮತ್ತು ಮೆಕ್ಸಿಕೋ ತಕ್ಷಣ ಕೇಳುತ್ತವೆ ಎನ್ನುವುದು ಅವರ ಲೆಕ್ಕಾಚಾರ. ಅದರಂತೆ, ಆ ದೇಶಗಳ ಸರಕುಗಳ ಮೇಲೆ ಅಧಿಕ ಆಮದು ಶುಲ್ಕ ವಿಧಿಸುವ ಮಾತನ್ನು ಅವರು ಹೇಳಿದಾಗ ಟ್ಯೂಡೋ ಪ್ರತಿಕ್ರಿಯಿಸಿದ್ದು, ‘ಹಲವಾರು ಅಗತ್ಯಗಳಿಗಾಗಿ ನಮ್ಮ ಮೇಲೆ ನೀವು ಬಹಳ ಅವಲಂಬಿತರಾಗಿದ್ದೀರಿ. ನಮ್ಮಂಥ ಸಹಯೋಗಿ ನಿಮಗೆ ಜಗತ್ತಿನಲ್ಲಿ ಎಲ್ಲೂ ಸಿಗಲಾರರು’ ಎಂದು ಟ್ರಂಪ್ ಅವರನ್ನೇ ಹೆದರಿಸುವ ಮಾತು.
ಟಂಪ್‌ರನ್ನು ಹೆದರಿಸಿ, ಹಿಮ್ಮೆಟ್ಟಿಸಿ ತನ್ನ ಜನರ ನಡುವೆ ತಾನು ಹೀರೋ ಆಗಬಹುದು ಎನ್ನುವುದು ಟೂಡೋರ ಕಲ್ಪನೆ. ಆದರೆ ಅಮೆರಿಕದ ಒಳಿತಿಗಾಗಿ ಟ್ರಂಪ್ ಯಾವ ಮಟ್ಟಕ್ಕಾದರೂ ಹೋಗಬಲ್ಲರು ಎನ್ನುವುದರ ಅರಿವು ಆ ಎಳಸು ರಾಜಕಾರಣಿಗಿರಲಿಲ್ಲ. ಹಾಗಾಗಿ, ಟ್ರಂಪ್ ಅಧಿಕಾರಕ್ಕೆ ಬರುತ್ತಿದ್ದಂತೆ ಕೆನಡಾ ಮತ್ತು ಮೆಕ್ಸಿಕೋಗಳ ಸರಕುಗಳ ಮೇಲಿನ ಸುಂಕವನ್ನು ಸೊನ್ನೆಯಿಂದ 25% ಮತ್ತು ಚೀನೀ ಸರಕುಗಳ ಮೇಲೆ ಈಗಿರುವುದಕ್ಕಿಂತ 10% ಹೆಚ್ಚುವರಿ ಸುಂಕ ವಿಧಿಸಿದರು. ಆಗ ಟ್ರೂಡೋ ನಾಟಕದ ಇನ್ನೊಂದು ಅಂಕ ಆರಂಭವಾಯಿತು. ಅಮೆರಿಕ ಇದುವರೆಗೆ ನಡೆಸಿದ ಯುದ್ಧಗಳಲ್ಲಿ ಕೆನಡಾ ಸಹ ಭಾಗಿಯಾದದ್ದನ್ನು ನೆನಪಿಸಿ, ‘ನಾರ್ಮಂಡಿಯ ಸಮುದ್ರತೀರಗಳಲ್ಲಿ, ಕೊರಿಯಾ ಪರ್ಯಾಯದ್ವೀಪದ ಪರ್ವತಗಳಲ್ಲಿ ನಾವು ನಿಮ್ಮ ಜತೆ ಹೆಗಲಿಗೆ ಹೆಗಲು ಕೊಟ್ಟು ಹೋರಾಡಿದ್ದೇವೆ. ಮತ್ತು ಪ್ರಾಣ ತೆತ್ತಿದ್ದೇವೆ’ ಎಂದು ಭಾವನಾತ್ಮಕ ಮಾತುಗಳನ್ನಾಡಿ, ‘ಈಗ ನಮ್ಮ ಮೇಲೆ ನೀವು ಹೀಗೆ ಕಠಿಣ ಆರ್ಥಿಕ ಕ್ರಮ ಕೈಗೊಳ್ಳುವುದು ಸರಿಯೇ?’ ಎಂದು ಪ್ರಶ್ನಿಸಿದರು. ಕೆನಡಾ ಸೇನೆ ಅಮೆರಿಕನ್ ಸೇನೆಗೆ ಸಹಕಾರ ನೀಡಿರಬಹುದು, ಸಮರದಲ್ಲಿ ಅಮೆರಿಕನ್ನರೊಡನೆ ಕೆನಡಿಯನ್ನರೂ ಸಾವನ್ನಪ್ಪಿರಬಹುದು, ಅದರರ್ಥ ಇಂದು ಪ್ರತಿದಿನವೂ ಇನ್ನೂರರಷ್ಟು ಅಮೆರಿಕನ್ನರ ಸಾವಿಗೆ ಕೆನಡಾ ಸಹ ಕಾರಣವಾಗುತ್ತಿರುವುದನ್ನು ಟ್ರಂಪ್ ಸಹಿಸಿಕೊಳ್ಳುತ್ತಾರೆ ಎಂದಲ್ಲ. ಜತೆಗೆ ಟ್ಯೂಡೋ ವಿಧಿಸಲಾರಂಭಿಸಿದ ಪ್ರತಿಶುಲ್ಕಕ್ಕೆ ಟ್ರಂಪ್ ಹೆದರುವವರೂ ಆಗಿರಲಿಲ್ಲ. ಇದು ಟ್ಯೂಡೋಗೆ ಅರ್ಥವಾಗುತ್ತಿದ್ದಂತೆ ಅವರ ರಾಗ ಬದಲಾಯಿತು. ಟ್ರಂಪ್‌ರ ಜತೆ ದೂರವಾಣಿಯಲ್ಲಿ ಮಾತನಾಡಿ ಫೆಂಟಾನಿಲ್ ಕಳ್ಳಸಾಗಾಣಿಕೆ ತಡೆಯಲು ಕ್ರಮ ಕೈಗೊಳ್ಳುವುದಾಗಿ ಆಶ್ವಾಸನೆ ನೀಡಿದರು ಮತ್ತು ಅದಕ್ಕಾಗಿ 1.3 ಬಿಲಿಯನ್ ಡಾಲರ್ ವ್ಯಯಿಸಲೂ ಹೊರಟಿರುವುದನ್ನೂ ಹೇಳಿಕೊಂಡರು. ಟ್ರಂಪ್‌ರ ‘ಶುಲ್ಕ ಬೆದರಿಕೆ’ ತನ್ನ ಕೆಲಸ ಸಾಧಿಸಿತ್ತು!
ಈ ಹಿನ್ನೆಲೆಯಲ್ಲಿ ಮೋದಿ ನಡವಳಿಕೆ ಪ್ರಬುದ್ಧತೆಯಿಂದ ಕೂಡಿರುವ ಹಿನ್ನೆಲೆಯಲ್ಲಿ ಅವರ ಈ ಪ್ರಸಕ್ತ ಅಮೆರಿಕ ಭೇಟಿ ಎರಡೂ ದೇಶಗಳಿಗೆ ಅನುಕೂಲವೆನಿಸುವಂಥ ಒಪ್ಪಂದಗಳಿಗೆ ಹಾದಿ ಮಾಡಿಕೊಡುತ್ತದೆಂದು ಸಹಜವಾಗಿಯೇ ಆಶಿಸಬಹುದು. ಭಾರತಕ್ಕೆ ರಕ್ಷಣಾ ಸಾಮಗ್ರಿಗಳ ಪೂರೈಕೆ, ಸಾಮರಿಕ, ಆರ್ಥಿಕ ಹಾಗೂ ತಾಂತ್ರಿಕ ಕ್ಷೇತ್ರಗಳಲ್ಲಿ ಸಹಯೋಗ ಕುರಿತಾಗಿ ಆಗಲಿರುವ ಒಪ್ಪಂದಗಳ ಪೂರ್ಣ ಚಿತ್ರಣಕ್ಕೆ ನಾವು ಕೆಲವು ದಿನಗಳು ಕಾಯಬೇಕು. ಆ ಒಪ್ಪಂದಗಳು ಮತ್ತು ಅವುಗಳಿಂದಾಗಿ ಈ ವಲಯದಲ್ಲಿ ಆಗಬಹುದಾದ ಭೂ-ರಾಜಕೀಯ ಸ್ಥಿತ್ಯಂತರಗಳನ್ನು ಮುಂದಿನವಾರ ವಿಶ್ಲೇಷಿಸೋಣ.